Chraftstoff 5 ... en Verein ... für was???
Sinnvolli Freizitgstaltig für d'Jugend
Chraftstoff 5 isch en Prattler OrtsVerein zämegsetzt uss junge, kreative, ufgstellte Lüt wo's sich zum Ziel gsetzt hän dr Jugend us dr Region öppis z'biete. Nid nur in Form vo Parties oder anderne Events, wo mir organisiere, sondern au dur unser Vereinsläbe. Bim uf d'Bei stellä vo Events chönne eusi Aktivmitglieder vieli wertvolli Erfahrige in TeamWork, Organisation und Kreativität sammle.
Kreativität anstatt 08/15-Parties
Im Vordergrund stoht dr bi ganz klar d'Kreativität, wo in eusem Verein keini Grenze gsetzt bechunnt! Denn eusi Aläss sölle immer öppis speziells si und nid eifach irgendwelchi 08/15-Parties wie mä sä jedes Wuchenend zu Dutzende findet. So versueche mir zum Bischpil immer wieder es ussergwöhnlichs Thema für eusi Events z'finde und das so ifallsrich wie nur möglich uszgstalte!
Oldies-Rock-Pop anstatt Techno
Es entspricht au nid eusem Vereinsgedanke TechnoParties z'organisiere! Viel mehr möchte mir bewiise, ass mä zu richtiger Musig, wie sie zum Bischpiel au scho in dä guete alte 60er-Johre gspielt worde isch, mindestens so guet cha abfeschtä! Dorum lauft bi uns vorwiegend PartySound uss dä sparte Oldies, Rock & Pop in allne denkbare Variatione und Klangfarbe: vo Rock'n'Roll über Blues, Schlager, Disco, Funk, Reggae, AlpeRock bis zu Punk und, und, und, ... uss dä guete altä 60er, 70er, 80er und 90er Johr, aber nid z'letscht nat¨rlich au uss däm Johrtusig.