Am 4. Februar 2006 hets im Skigebiet Ebnet ä ganz e spezielli Après Ski Party geh. Mir hei nach Walliser Art s Matterhorn grockt. An dr Innebar het me zu de DJ Kläng chönne verschiedeni Drinks schlürfe. Im Zelt dusse het’s Raclette und Walliser Wy geh. Walliser Temprature dusse und heisse Sound dinne.
Vieli Party-Pictures vo dem Alass gits im Foto Album.
Bösi Zunge hän bhauptet mir heige s falsche Thema gno. Me het ghört das "Sibirian Night" wäg de Temperature besser passt hätti. Do mien mir nume bedingt rächt geh, oder het öpper vo Euch scho mol ä richtig guets Raclette in Sibirie gha?
Und wär gnueg gha het vom Raclette und vom Kaffi Verjäter, dä het sich dinne zu de heisse Beats vom DJ Dingo und em Grüfä chönne d Lunge zum Körper uss tanze. An dr Bar het sich dr Doppler und sis Team hervorragend um d Bedürfnis vo de rund 200 Partygänger kümmeret.
Für alli wo nonig "gnue ghäbe" hei und das Fest nomol wän loh Revue passiere, oder für die wo wän luege was si verpasst hän, für alli die het euses Foto Team es Album mit vielne heisse Pictures zämegstellt in dr Chraftstoff 5 Foto Gallery.
Klicke hier um zu den Fotos zu gelangen!
Rund um das ganze Fest het Chraftstoff5 grossartigi Unterstützig vo de CB Schnooger gha. Sie hän uns im Raclette Zelt und an dr Garderobe gholfe.
Viele Dank au an an alli Sponsore, Hälfer und dr Bürgergmeind Prattele sowie dr Famillie Schäublin. Ohni dr Isatz vo allne wär e sones Fest gar nit möglich!