rund 300 Schnee-Sportler hän dr weg zur Begstation Ebnet gfunde gha. wie sie allerdings dört hi cho sin, ob mit eusem Ski-Bus, de eigene Piste-Fahrzüg oder sogar uf Schnee-Schueh isch nid genau bekannt.

uff jede fall sin eusi gäscht in beschter Fest-Luhne gsi und d stimmig isch so scho bald agstiege. do dr zue het natürlich au d Gugge-Combo "Sutti's Street Band" bitreit wo in eusem Raclette-Festzelt d lüt bestens unterhalte het. in dr skihütte isch bi gwohntem Chraftstoff-Partysound vo Oldies über Rock bis zu Pop und unsere einzigartige Cocktail-Kreatione viel betrieb an dr bar und bewegig uf dr tanzflächi gsi. vo dr müedigkeit nach em tag uf dr piste het sich uff jede fall niemerds öppis loh amerke.