Disco Carnevale - 02.02.02

uff em Hof Ebnet isch es bereits am 2.Februar 2002 fasnächtlich zu und her gange, fascht so wie zur gliche zit in Venedig, wo's jo bereits vor unserer fasnacht so richtig abgoht ...
  		e wildi FasNacht
disco fever

20 uhr - hof ebnet - die frisur hält
am igang drängle sich bereits dutzendi heissi girls und spitzi boys. sie warte nur druff ass die nögschti heissi PartyNight vo Chraftstoff 5 cha afoh. dr chrigi, dr präsi, kontrolliert am igang scho mol, ob au alli passend verchleidet sin. alli wo sini kriterie nid erfülle bechömme halt au kei begrüessigs-drink vo ihm, tja selber tschuld!
okay, ehrlich gseit erfüllt die kriterie chuhm öpper und dorum gsehts drinne au gar nid so fasnächtlich uss, wie mä sich das viellicht erhofft hätti. do cha au die venezianischi GondolieriBar nid drüber wäg tüsche. wenigschtens isch's personal gröschteteils kreativ-fasnächtlich ikleidet, e bsunderi augeweid wie immer s' bar-personal ... ! sie hän denn an dem obe au am meischte z'tue, was scho bald zunere usglassene stimmig füehrt!

22 uhr - tanzfläche - perfekter style.
uff dr tanzflächi goht's au scho heiss zue und her - dr dingo und dr grüfä heitze au scho mächtig mit wildem OLDIES-ROCK-POP Stimmigssound ih. während d'fraue wie in extase uff dr tanzflächi umewirble, füehre d'männer ihri baltztänz uff. rock it, babee - yeah!

 stimmung!
vo wo chömme jetzt die confetti!? 24 uhr - cocktail bar - confetti im haar
jetzt wird's doch no langsam richtig fasnächtlich. dr special fx experte peach het wieder e mol ganzi arbet gleischtet und alli stuhne nid schlecht wo im zelt an dr decki plötzlich ballön platze und konfetti obe abe gheie! churz druff gönge au no an dr decki befeschtigti tischbombe ab. Stimmung!

4 uhr - bar - frisur ... naja wen interessiert's
e wildi nacht goht langsam ihrem endi zue, die letschti bolonaise dreit ihri rundene, die letschte pärli tanze eng umschlunge uff dr tanzflächi, s'personal an dr bar leert no die letschte fläsche und dene wo no an dr bar hänge würd e maske jetzt nid schlecht stoh! an dr garderobe für einisch kei chaos und die vom security-personal sin wieder e mol die einzige gsi, wo en gmüetliche obe verbrocht hän.

das wär sie also gsi d' DISCO CARNEVALE ... do no es paar bilder vo derä wilde nacht ...

wir ziehen los ....
d'bar wär dekoriert!
s'liecht im zelt, inklusiv kronlüchter
viel betrieb an dr bar
die fasnächtlich deco
cheeeeseeeee :-)
lightmaster at work! euse .... (siehe unten)
... peach !!!
 dr igang - bitte eintretten!
die erschte gäscht
let's rock!
die beide fabis, hän d'bar im griff gha!
tischbombe sin zündet, eusi special fx show cha los goh!
heu zäme ich bi dr roschä ! :-)
wie immer chreadif
sogar dusse e unglaublichi stimmig! 		die letschte instruktionne für s bar personal
fasnächtlichi farbepracht
au eifach gmüetlich e chli sitze und pläuderle cha mä bi eus!
eusi gondolieri bar im zelt
smile ;-)
d deco wg het sich wieder e mol viel müeh geh
proscht!