Party Rückblick

Am 1. März 2008 het unseri letsti Party uf em Hof Ebnet stattgfunde. Wie d Partyserie agfangä het, so hört si uf: mit erä Skihütte Night. >>mehr

An dr 15.Party uf em Hof Ebnet hän mir die gröschte Highlights vo unsere bisherige Parties nomol loh Revue passiere ... Skihütte-Stimmig mit Walliser Raclette, s DJ Pult als Transylvania Grusel Schloss, feini Drinks und Cocktails an dr Piratasia Bar und e Live-Band, d Funky Chics wo eusi Gäscht so richtig vo de Sitz grisse hän. Die Party isch en riese Hit gsi! >>mehr

D Funky-Soul-Blues-Band Groovepack uf dr Live-Bühni, e gmüetlichi Sofa Lounge unter freiem Himmel, Bowle, Würscht, Schnitzelbrot, Cocktails und chraftstoffmässige Oldies-Rock-Pop-Sound und das alles im Freie, das isch d LIVE SummerNight 2006 gsi. >>mehr

Zum dritte Mol hän mer uf em Hof Ebnet die legendäri Skihütte Night gfiirt. Diesmol nach Walliser Art mit Raclette, Wy, Cocktails und gwohnt usglassener Stimmig. >>mehr

Dusse hets Livemusig mit Bluesteel zum abrocke und feini Würscht geh. Im Innere Disco und Bar mit unsere weltbekannte Cocktails. S summerliche Wetter het au gstumme. >>mehr

Im gmüetliche Outback-Pub hän mer d Party-Kangaroos mit chraftstoffmässigem Partysound und unsere neuschte australische Drink- und Cocktail-Kreatione verwöhnt. >>mehr

Zu Livemusig hän sich eusi Gäst unter freiem Himmel und bi summerlichem Wetter dörfe erholä und abfeschtä. >>mehr

Zum 5 jööhrige Jubiläum isch es zum Revival vo euserer erste Kult-Party cho. In dr Skihütte Ebnet isch es au diesmol trotz isiger Schnee-Chälti heiss zue und her gange. >>mehr

Chraftstoff 5 het am Prattler Dorffest mit sim Karaoke-Cocktail-Party- Zirkus-Zelt für en unwerwartete Publikums-Erfolg gsorgt: super Stimmig und viel Karaoke bis in die früehe Morge-Stunde. >>mehr

Ob im himmlische Cockatil-Zelt oder in dr höllische Hauptbar, überall het au an dem Fescht chraftstoffmässigi Stimmig gherrscht. >>mehr

An unserem erschte Grossalass mit Live-Bands hän mir d Gäscht am Fritig mit Disco-Sound und am Samschtig mit Rock-Musig verwöhnt. >>mehr

Super Stimmig, vieli Kostümierti und wie immer chraftstoffmässigi Cocktails und Partysound ... besser als Fasnacht in Venedig. >>mehr

An dere mafiamässige PartyNight isch d Stimmig trotz verhältnissmässig wenig PartyGäst kriminell guet gsi. Für zuesätzlichi Spannig het au dr Roulette-Tisch gsorgt. >>mehr

In unserer Dschungel-Zelt-Bar hän mer am Fasnachts-Sunntig uf fasnächtlich-kreativi Art und Wis alles was in unserem Dorf so dschungelmässiges passiert ufs Chorn gnoh. >>mehr

Dr Grog isch nur so gflosse und s Holzbei chräftig gschwunge worde in dere stürmische PartyNacht uf unserem Pirateschiff. >>mehr

Mit karibischer Feriestimmig sin mir zumene wahrhaftige PartyHöheflug abghobe und erst in de früehe Morgestunde wieder glandet. >>mehr

In dere unheimlich wilde Nacht het me s Bluet vo de vielne PartyBeGEISCHTerte buechstäblich choche ghört! >>mehr

E huffe usgflipti PartyCowboys & -girls hän e wildi Nacht in eusem WesternSaloon bi Tabledance und Barbecue dörfe erläbe. >>mehr

Die legendäri erschti Party vo eusem dazumals erscht grad 1 Monat alte PartyTeam isch en unerwartete Erfolg worde: ä volli Hütte und ä super Stimmig im Skigebiet Ebnet bis zur letschte Talfahrt am Morge früeh! >>mehr